Zierbena Bizkaiko kostaldeko herri txiki bat da, itsasoa, kirola eta itsaso-zaporeko gastronomia maite dituztenentzako toki aproposa. Gune natural paregabean dago, Bilbotik 20 minutura bakarrik.
La Arena hondartzan, igeri egiteaz eta eguzkia hartzeaz gain, surfean aritu zaitezke. Hondartzaren 966 metroetan zerbitzu guztiak aurki ditzakezu, mugikortasun arazoak dituzten pertsonei zuzendutakoak barne. Bestalde, Zierbenako Portuak bere xarma tradizionala gordetzen du bere arrantza- eta kirol-ontziekin eta bertako marinel-jatetxe apartekin.
Santiago bidearen iparraldeko ibilbidea Zierbenatik igarotzen da. Izan ere, herrian badaude toki interesgarri asko, adibidez, Serantes, Montaño eta Punta Lucero mendiak. Gainera, mendi-ibiliak egin daitezke bai oinez bai bizikletaz, Bizkaiko bidegorri luzeenean pedalei eraginez (11 km). Zierbenako kirol-ohitura nagusiak bi dira: arraunketa eta boloak katxete erara.
Urriko lehenengo asteburuan Itsaski-Azoka ospatzen dugu. Bertan itsaski bikaina dasta daiteke salneurri merkeetan eta jai-giroaz gozatuz.
Zierbenan itxarongo zaitugu, itsaso-zaporeko herrian.
Promozio turistikoko brochure-a