Albisteak

 

Guraso agurgarriak:

Zuen seme-alabei helarazten diedan gutun honen bidez gogorarazten dizuet, Zierbenako Udalak eskola-laguntza lortzeko eskaintzen duen diru-laguntza, eskola-materiala, garraio laguntza, haur eskola eta jantokia ordaintzeko diru-laguntza alegia, aurten berriro ere eska daitekeela eta epea zabalduko dela.

Diru-laguntza hori, herrian erroldatuta eta 2014-2015 ikasturtea ondoko edozein modalitatetan egin duten herritarrentzat da: Haurreskolak, Lehen Hezkuntza, Derrigorrezko Bigarren Hezkuntza, Batxilergoa,  Erdi Mailako Gradua, Goi Mailako Gradua eta Unibertsitate-ikasketak (Diplomaturak, Lizentziaturak (Plan zaharra) eta Graduak (Plan Berria).

Eskaerak egiteko epea zabalik egongo da, ekainaren 1etik 30era eta Udaletxean eskatu beharko da.

Entregatu behar den dokumentazioa:

  • Eskatzailearen NANaren kopia
  • Erroldatze-data agertzen den errolda-agiria
  • Familia liburuaren kopia
  • Harrera edo tutoretza kasuan egoera hori ziurtatzen duen egiaztagiria
  • Ikaslea oraingo ikasturtean matrikulatuta egon dela egiaztatzen duen matrikularen edo ziurtagiriaren frogagiria
  • Diru-sarrera egin behar den kontuaren lehen orriaren kopia
  • Garraio edo jantoki gastua ordaindu dela agertzen den frogagiria
  • Udalaren zerga guztiak ordainduta daudela egiaztatzen duen ziurtagiria

Informazio  hau  interesatuko zaizuelakoan, adeitasunez agurtzen zaituztet.

Zierbenan, 2015eko maiatzaren 11n

ZIERBENAKO UDALEKO ALKATEA 
MARCELINO ELORZA TALLEDO

 Gutuna ikusi (PDF 44KB)